التخليب: إزاي العناصر الصغرى بتتثبت

التخليب مش تفاعل؛ التخليب مجرد انتقال إلكترونات من مدار خارجي لذرات عليها زوج أو أكثر لمدار d في عنصر من العناصر الانتقالية في الجدول الدوري.

في حالة الإيدتا، ذرة النيتروجين بتعطي لأي عنصر من العناصر الصغرى زي الحديد والمنجنيز والزنك والنحاس، والرابطة دي تسمى الرابطة التناسقية. وهي رابطة غير كاملة بالمعنى زي باقي الروابط، لأنها ممكن تنحل بالتسخين أو تغيير الـ pH. وعشان كده بنستخدم مخلبيات الإيدتا والإيدها عشان نمنع التفكك ده.

فالإيدتا مثلًا بتشتغل من 5 إلى 9، لكن مع الحديد من 5 إلى 8 بس، عشان كده بنخلب الحديد بالإيدها عشان ثبات الرابطة من 4 إلى 11.

ليه الكبريتات؟

بالنسبة للأكاسيد: أكاسيد الزنك والمنجنيز والنحاس والحديد غير ذائبة في الماء، وعملية التخليب لازم تحدث في وسط مائي. لذلك أفضل مصدر للتخليب من العناصر الصغرى هو كبريتاتها، لأن ذوبانها جيد، وكمان بتدي عنصر الكبريت اللي يغذي النبات.